რუსულმა ძალებმა წუხელ ზაპოროჟიეს გარეუბნები დაბომბეს, - ინფორმაციას უკრაინული მედია ზაპოროჟიეს რეგიონალური სამხედრო ადმინისტრაციის ხელმძღვანელზე, ალექსანდრე სტარუხზე დაყრდნობით ავრცელებს.

მისი თქმით, წინასწარი ინფორმაციით, თავდასხმის შედეგად არავინ დაშავებულა.

„რუსმა ტერორისტებმა სარაკეტო თავდასხმა განახორციელეს რეგიონული ცენტრის გარეუბნებზე. ერთ-ერთი რაკეტა სტეფნიანსკაიას ტერიტორიული თემის ტერიტორიაზე დაეცა. დაზიანდა ინფრასტრუქტურული ობიექტები და საცხოვრებელი სახლები", - წერს სტარუხი.

ცნობისათვის, რუსებმა ზაპოროჟიე გუშინაც დაბომბეს. სოფელ ნოვოსოფიივკაში განხორციელებული სარაკეტო თავდასხმის შედეგად ორი ადამიანი დაიღუპა და სამი დაშავდა.