ვოლოდიმირ ზელენსკი - თუ რუსეთი უკრაინიდან ძალებს გაიყვანს, უზრუნველყოფს საომარი მოქმედებების საიმედო დასრულებას - ვერ ვხედავ მიზეზს, რატომ არ უნდა გააკეთოს ახლა, შობის დღესასწაულის დროს
უკრაინის პრეზიდენტმა, ვოლოდიმირ ზელენსკიმ „დიდი შვიდეულის“ ქვეყნებს დამატებით ორი მილიარდი კუბური მეტრი ბუნებრივი აირის მოპოვებითა, თანამედროვე ტანკებით, არტილერიით, ჭურვებით და ასევე, შორი მოქმედების იარაღით დახმარება სთხოვა.
ვიდეო მიმართვაში ზელენსკიმ რუსეთს მოუწოდა, არსებითი ნაბიჯი გადადგას უკრაინაში ომის დიპლომატიური გადაწყვეტისკენ.
"თუ რუსეთი უკრაინიდან თავის ძალებს გაიყვანს, მაშინ ის ასევე უზრუნველყოფს საომარი მოქმედებების საიმედო დასრულებას. მე ვერ ვხედავ მიზეზს, თუ რატომ არ უნდა გააკეთოს რუსეთმა ეს ახლა - ქრისტეშობის დღესასწაულის დროს“, - აღნიშნა უკრაინის პირველმა პირმა.
