ივანიშვილმა, როგორც ჩანს, პირდაპირ მიიღო მითითება ვლადიმერ პუტინისგან, რომ სააკაშვილი უნდა დაიღუპოს ქართულ ციხეში - ესაა სააკაშვილის მკვლელობის მცდელობა, მე სხვანაირად ვერ შევაფასებ "ქართული ოცნების" პოლიტიკას, - ამის შესახებ ლელოს დეპუტატმა სალომე სამადაშვილმა ჟურნალისტებთან განაცხადა.

მისივე თქმით, გაუგებარია, თუ სააკაშვილის მდგომარეობა მძიმე არ არის, რატომ არ ეძლევა შესაძლებლობა საჯაროდ გამოჩნდეს პროცესზე.

მისივე თქმით, მკაფიო გზავნილია აშშ-დან და ასევე ევროკავშირიდან, რომ სააკაშვილის ჯანმრთელობის მდგომაროებაზე პასუხისმგებელია ხელისუფლება.

„ქართულმა ოცნებამ", ივანიშვილმა როგორც ჩანს, პირდაპირ მიიღო მითითება ვლადიმერ პუტინისგან, რომ სააკაშვილი უნდა დაიღუპოს ქართულ ციხეში, სხვა ახსნა "ქართული ოცნების" გადაწყვეტილებას აღარ აქვს. მე გუშინ მოვინახულე საქართველოს მესამე პრეზიდენტი საპატიმროში, სიმართლე გითხრათ, გამიჩნდა ეჭვი, რომ მას არ მიეცემოდა დღეს საზოგადოების წინაშე გამოჩენის შესაძლებლობა, საზოგადოება, ქართველი ხალხი დარწმუნებული ვარ სულისშემძვრელად შეაფასებდა იმ მდგომარეობას, რომელშიც არის საქართველოს პრეზიდენტი. "ქართული ოცნება " მორიგ ჯერზე სიცრუეს ავრცელებს - გაუგებარია, თუ სააკაშვილის მდგომარეობა არ არის მძიმე და სიმულაციაა, რატომ არ ეძლევა შესაძლებლობა საჯაროდ გამოჩნდეს, როცა ამას მოითხოვს არა მხოლოდ ქართველი ხალხი, არამედ, მკაფიო გზავნილი მოვისმინეთ აშშ-დან, ასევე ევროკავშირიდან, რომ სააკაშვილის ჯანმრთელობის მდგომარეობაზე პასუხისმგებელია ხელისუფლება.

გადახედეთ მსოფლიო პრესას, რომელიც აჭრელებულია სააკაშვილის საქმეზე სტატიებით, რეპორტაჟებით, იმასთან დაკავშირებით რომ პუტინის პირად მტერს დღეს ბიძინა ივანიშვილი კლავს საქართველოში. ეს არის რეალობა, რასაც ვხედავთ - სააკაშვილის მკვლელობის მცდელობა, მე სხვანაირად ვერ შევაფასებ "ქართული ოცნების" პოლიტიკას, რეალურად, ამასთან ერთად და იმის გამო რომ უმძიმესი პოლიტიზებული მართლმსაჯულების პრობლემებია, კლავენ ქვეყნის მომავლის შანსებს”, - განაცხადა სამადაშვილმა.