დავით სერგეენკო სააკაშვილის მიერ შიმშილობის დაწყებაზე - იგივე სცენარი ვეღარ განვითარდება, პირველ ჯერზე რაც შეძლო ორგანიზმმა, მეორე ჯერზე რესურსები ნაკლები იქნება - მნიშვნელოვანია, რომ შეიცვალოს ეს გადაწყვეტილება

იგივე სცენარი ვეღარ განვითარდება, პირველ ჯერზე რაც შეძლო ორგანიზმმა, მეორე ჯერზე რესურსები ნაკლები იქნება, ასე რომ, ისევ 50 დღე შიმშილობას ცალსახად არ უნდა ველოდოთ, ამიტომ მნიშვნელოვანია, რომ შეიცვალოს ეს გადაწყვეტილება, - ამის შესახებ ჟურნალისტებთან საპარლამენტო უმრავლესობის წევრმა დავით სერგეენკომ განაცხადა, რითაც უპასუხა კითხვას, რამდენად საფრთხის შემცველია ახლა შიმშილობის გამოცხადება მაშინ, როცა სააკაშვილი შიმშილობდა 50 დღის განმავლობაში და ახლა იგივე მეთოდებით მოქმედება რამდენად საფრთხის შემცველი შეიძლება აღმოჩნდეს.

მისივე თქმით, მიხეილ სააკაშვილის საკითხის ანგაჟირება აზიანებს მისსავე ჯანმრთელობას და ის მოვლენების ამგვარ განვითარებას ელოდა კიდეც.

„ჩემი ღრმა რწმენით, ამ საკითხის ანგაჟირება არათუ ხელს უწყობს, არამედ აზიანებს ნებისმიერი ადამიანის, მათ შორის, პაციენტ სააკაშვილის ჯანმრთელობას, თუ ნაყიდი ჰქონდა კომპიუტერები პენიტენციურს, რა პრობლემა შეექმნა, ეს არის კითხვები პენიტენციურთან. მე ველოდი კიდეც ასეთ განვითარებას, რადგან ვინც ოდნავ მაინც ჩახედულია მედიცინაში და იცის, რას ნიშნავს პაციენტის დამყოლობა მკურნალობაზე, ეს გადავიდა უარყოფით ფაზაში, რაც გამოიხატა შიმშილობის გამოცხადებაში. ეს მოსალოდნელო იყო და ძალიან ცუდია, რომ ასე მოხდა, ყველას ვთხოვ, მის ახლობლებს, ოჯახის წევრებს, ყველას, ვისიც სჯერა, რომ როგორმე გადაარწმუნონ ამის გაკეთება.

არანაირად არ ვარგა, არანაირი ლოგიკით ამის გაკეთება, ყველა ადამიანს უფლება აქვს პროტესტი გამოხატოს, მაგრამ მე უმორჩილესად ვურჩევდი, არ გააკეთოს ეს. მე ველოდებოდი ერთგვარად მოვლენების გამწვავებას, ზოგი შეიძლება ვერ იგებს რას ნიშნავს პაციენტის დამყოლობა მკურნალობაზე და რას ნიშნავს, რომ გამინუსდა ეს დამყოლობა და შიმშილობაში გამოიხატა. არ შეიძლება ამის გაკეთება, კარგი იქნება თუ განიხილავს შესაძლებლობას, რომ დაუბრუნდეს ნორმალურ კვებას.

იგივე სცენარი ვეღარ განვითარდება, პირველ ჯერზე რაც შეძლო ორგანიზმმა, მეორე ჯერზე რესურსები ნაკლები იქნება, ასე რომ, ისევ 50 დღე შიმშილობას ცალსახად არ უნდა ველოდოთ, ამიტომ არის მნიშვნელოვანი, რომ შეიცვალოს ეს გადაწყვეტილება,"- განაცხადა სერგეენკომ.

ის ასევე გამოეხმაურა თბილისის მერის, კახა კალაძის განცხადებას, რომ თუ სააკაშვილის საკითხზეა დამოკიდებული კანდიდატის სტატუსი, ის არ სჭირდებათ. სერგეენკო აღნიშნავს, რომ ევროკავშირში გაწევრიანება საქართველოს მოსახლეობის აბსოლუტური უმრავლესობის არჩევანია და მას სააკაშვილის საკითხი ვერ შეცვლის.

"ევროკავშირში და ევროატლანტიკურ სტრუქტურებში გაწევრიანება არის საქართველოს მოსახლეობის აბსოლუტური უმრავლესობის მკაფიო გადაწყვეტილება, ერთ- ერთი მეც ვარ მოსახლეობის ამ უდიდეს ნაწილში. ასე რომ, სააკაშვილის საკითხი ამას ვერ შეცვლის, ეს არის საქართველოს მოსახლეობის აბსოლუტური უმრავლესობის მიერ გადაწყვეტილი,"- განაცხადა სერგეენკომ.