ვოლოდიმირ ზელენსკი - 64 უკრაინელი რუსეთის ტყვეობიდან დაბრუნდა
64 უკრაინელი, 64 მებრძოლი, მათ შორის 4 ოფიცერი და 60 რიგითი და სერჟანტი, რუსეთის ტყვეობიდან დაბრუნდა, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
მისი თქმით, დაბრუნებულებს შორის არიან მძიმედ დაჭრილებიც.
“ვაგრძელებთ მუშაობას იმისთვის, რომ გავათავისუფლოთ და დავბრუნდეთ სახლში ყველა უკრაინელი მამაკაცი და ქალი, რომლებიც ჯერ კიდევ რუსეთში ტყვეობაში იმყოფებიან. მინდა მადლობა გადავუხადო ჩვენს გუნდს, რომელიც უზრუნველყოფს გაცვლის პროცესს”, - აღნიშნა ზელენსკიმ.
უკრაინის პრეზიდენტმა მადლობა გადაუხადა ყველას, ვინც მუშაობს და იბრძვის უკრაინელებისთვის და უკრაინისთვის.
„დიდება ყველას, ვინც იბრძვის ჩვენი ქვეყნისთვის! დიდება ყველას, ვინც თავისი გამბედაობითა და ეფექტურობით ავსებს სიტყვას, რომელიც ახლა მთელ მსოფლიოში ისმის - სიტყვას "უკრაინა", - აღნიშნა ზელენსკიმ.
v-if="article.gallery" v-html="article.gallery"
