რუსულმა ძალებმა დღეს უკრაინაზე სარაკეტო თავდასხმა განახორციელეს, საჰაერო თავდაცვის სისტემები მთელი ქვეყნის მასშტაბით ამოქმედდა, - ინფორმაციას მედია საშუალებები უკრაინის ოფიციალურ პირებზე დაყრდნობით ავრცელებენ.

მათივე ცნობით, აფეთქებების ხმა ისმოდა ქალაქ ხარკოვში, სადაც კრიტიკული ინფრასტრუქტურის ობიექტები დაზიანდა.

ამასთან, კრიტიკული ინფრასტრუქტურის დაზიანების შესახებ ინფორმაციას ავრცელებენ ოდესის ოლქის ადგილობრივი მთავრობის წარმომადგენლებიც.

სუმის ოლქის გუბერნატორის, დმიტრო ჟივიცკის განცხადებით, დღეს განხორციელებული სარაკეტო თავდასხმის გამო ოლქში ელექტროენერგიის მიწოდება შეწყდა.

გავრცელებული ინფორმაციით, აფეთქებების ხმა ისმოდა დედაქალაქ კიევშიც.