საქართველოს პარლამენტის თავმჯდომარის, შალვა პაპუაშვილის მითითებით მანდატურმა ოპოზიციონერ დეპუტატს სალომე სამადაშვილს პლენარულ სხდომათა დარბაზი დაატოვებინა.
სალომე სამადაშვილმა გააპროტესტა იუსტიციის მინისტრის რატი ბრეგაძის გადაწყვეტილება პარლამენტის პლენარულ სხდომათა დარბაზიდან წაეკითხა წინა ხელისუფლების პერიოდთან დაკავშირებული ერთ-ერთი მსჯავრდებულის საქმიდან ამონარიდი, რომელიც წამებასა და გაუპატიურებას ასახავს.
სალომე სამადაშვილმა რამდენჯერმე სცადა მინისტრის გაჩერება და მიმართა, რომ აღნიშნულის წაკითხვა საჭირო არ იყო.