თეთრი სახლი ადასტურებს, რომ კონგრესს უკრაინისთვის დამატებით 38 მილიარდი დოლარის გამოყოფის თხოვნით მიმართეს

ამერიკის შეერთებულმა შტატებმა შესაძლოა უკრაინას დამატებითი 38 მილიარდი დოლარის მოცულობის დახმარება გაუგზავნოს - პრეზიდენტ ჯო ბაიდენის ადმინისტრაციამ კონგრესს შესაბამისი მოთხოვნა უკვე გაუგზავნა, - ინფორმაციას მედიასაშუალებები ეროვნული უსაფრთხოების საკითხებში თეთრი სახლის მრჩეველზე, ჯეიკ სალივანზე დაყრდნობით ავრცელებს.

სალივანის განცხადებით, ბაიდენის ადმინისტრაცია ცდილობს უკრაინას მიაწოდოს ყველა საშუალება მისი სუვერენიტეტისა და ტერიტორიული მთლიანობის დასაცავად. ამ მიზნით კონგრესს გაეგზავნა თხოვნა, უკრაინისთვის დამატებით 38 მილიარდი დოლარის გამოყოფის შესახებ, რომელიც სამხედრო და ჰუმანიტარულ დახმარებას მოხმარდება.

„ვიცით, რომ ჩვენი ამოცანაა გავაგრძელოთ ჩვენი სამხედრო მხარდაჭერა უკრაინის მიმართ, რათა ისინი იყვნენ საუკეთესო შესაძლო პოზიციაზე ბრძოლის ველზე და თუ და როცა მომწიფდება დიპლომატია - მოლაპარაკებების მაგიდასთან“, - აღნიშნა ჯეიკ სალივანმა.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს