უკრაინის მთელ ტერიტორიაზე საჰაერო განგაში გამოცხადდა, - ინფორმაციას უკრაინული მედია ავრცელებს.
მათივე ცნობით, მონიტორინგის ჯგუფი Беларускі Гаюн-ი იუწყება, რომ ბელარუსის ორი აეროდრომიდან რუსული გამანადგურებლები აფრინდნენ. კერძოდ, მათი ინფორმაციით, საუბარია MiG-31K-ის ტიპის ორ საბრძოლო თვითმფრინავზე,
IL-76 A-50U-ის ტიპის თვითმფრინავსა და კიდევ ორ გამანადგურებელზე.
აღსანიშნავია, რომ MiG-31K-ს ჰიპერბგერითი „კინჯალის“ რაკეტების გადატანა შეუძლია.
შეგახსენებთ, გუშინ დილით რუსულმა ძალებმა უკრაინის წინააღმდეგ მასშტაბური სარაკეტო იერიში განახორციელეს, რასაც მშვიდობიან მოსახლეობაში მსხვერპლი და კრიტიკული ინფრასტრუქტურის დაზიანება მოჰყვა.