რუსეთი, შესაძლოა, უკრაინაში ჩრდილოეთის მხრიდან შეჭრას შეეცადოს, - ამის შესახებ უკრაინელმა მეთაურმა, გენერალ-მაიორმა ანდრეი კოვალჩუკმა განაცხადა.
მისი თქმით, შესაძლოა მოხდეს უსასტიკესი ბრძოლები და მან დასავლელ მოკავშირეებს მოუწოდა, მხარი დაუჭირონ უკრაინას ლეტალური იარაღის მიწოდებით.
ანდრეი კოვალჩუკის თქმით, რუსული ძალები შესაძლოა შეეცადონ უკრაინაში ჩრდილოეთიდან, აღმოსავლეთიდან და სამხრეთიდან შეჭრას და შესაძლოა, ეს 24 თებერვალს, ქვეყანაში შეჭრის წლისთავზე განახორციელონ.
„ვითვალისწინებთ ასეთ ვარიანტებს, ასეთ სცენარებს. ჩვენ ამისთვის ვემზადებით. ვცხოვრობთ იმ ფიქრით, რომ ისევ დაგვესხმებიან თავს“, - აღნიშნა უკრაინელმა გენერალმა.