ვოლოდიმირ ზელენსკი - ვამზადებთ სპეციალურ სამიტს - სამიტი მშვიდობისთვის

ჩვენ უკვე ვამზადებთ სპეციალურ სამიტს ამ ზამთარში, სამიტი მშვიდობისთვის, ჩვენი ქვეყნისა და ნებისმიერი სხვა ხალხისთვის, ვინც შეიძლება, იმავე აგრესიას და ტერორს დაექვემდებაროს, რომელიც რუსეთმა ჩვენს მიწაზე შემოიტანა, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისი თქმით, 10-პუნქტიან უკრაინის მშვიდობის ფორმულას უსაფრთხოების ახალი არქიტექტურის შექმნა შეუძლია.

„უკრაინული მშვიდობის ფორმულა არის ათი ნათელი პუნქტი, რომელსაც შეუძლია, შექმნას გლობალურად მნიშვნელოვანი უსაფრთხოების ახალი არქიტექტურა, რაც მთელ ჩვენს უკრაინულ მიწას, მთელ ჩვენს ხალხს თავისუფლებას დაუბრუნებს და რაც იქნება სხვა ხალხების თავისუფლებისა და უსაფრთხოების გარანტი“, - აღნიშნა ზელენსკიმ.

მან პარტნიორებს მოუწოდა, გამოიჩინონ ლიდერობა მშვიდობის უზრუნველსაყოფად.

„ჩვენ ერთად ვიბრძვით უკრაინისთვის, ღირებულებებისთვის, რომლებიც აერთიანებს ევროპასა და დემოკრატიულ სამყაროს, სიცოცხლის გლობალური ღირებულებისთვის. ყველაფრისთვის, რის განადგურებასაც ცდილობს რუსეთი“, – აღნიშნა ვოლოდიმირ ზელენსკიმ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად