უკრაინამ კანადისგან, სასესხო ხელშეკრულების ფარგლებში, დამატებით 500 მილიონი კანადური დოლარი (367 მილიონი აშშ დოლარი) მიიღო, - ინფორმაციას უკრაინული მედია ქვეყნის ფინანსთა სამინისტროზე დაყრდნობით ავრცელებს.
ფინანსთა სამინისტროს პრესსამსახურის ცნობით, სესხის ჯამური მოცულობა 1.95 მილიარდი კანადური დოლარია (1.432 მილიარდი აშშ დოლარი).
სესხი შეღავათიანი პირობებით, საერთაშორისო სავალუტო ფონდის ადმინისტრაციული ანგარიშის მეშვეობით გაიცემა.