ირაკლი კოვზანაძე - „სეკიურიტიზაციის შესახებ" კანონპროექტზე მუშაობას დავიწყებთ

პარლამენტის საფინანსო-საბიუჯეტო კომიტეტმა „სეკიურიტიზაციის შესახებ" კანონპროექტის, საჯარო-კერძო დიალოგის საპარლამენტო პლატფორმის ფარგლებში, სამუშაო შეხვედრა გამართა.

საქართველოს პარლამენტის ინფორმაციით, კომიტეტის თავმჯდომარე ირაკლი კოვზანაძემ განაცხადა, რომ მსგავსი შეხვედრების მიზანია პარლამენტის წევრებმა წინასწარ, კანონპროექტის განხილვამდე სრულყოფილი და ამომწურავი ინფორმაცია მიიღონ, რისი ტრადიციაც კომიტეტს აქვს.

ირაკლი კოვზანაძის განცხადებით, კანონპროექტის განხილვებს პარლამენტი მომავალი წლიდან დაიწყებს.

„ჯერ კიდევ ბევრი დეტალია დასაზუსტებელი, ვფიქრობ, კანონპროექტი საინტერესოა იმ თვალსაზრისით, რომ კაპიტალთან ხელმისაწვდომობას ზრდის და რესურსების ალტერნატიული მოძიების საშუალებას იძლევა", -აღნიშნა ირაკლი კოვზანაძემ.

განხილვაში მონაწილეობდნენ: პარლამენტის წევრები, აღმასრულებელი ხელისუფლების წარმომადგენლები და ექსპერტები.

პარლამენტში კანონპროექტის, საჯარო-კერძო დიალოგის საპარლამენტო პლატფორმის ფარგლებში, სამუშაო შეხვედრა გაიმართა საფინანსო-საბიუჯეტო კომიტეტის, გლობალური შეთანხმების საქართველოს ქსელთან თანამშრომლობითა და USAID-ის ეკონომიკური მმართველობის პროგრამის მხარდაჭერით.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება