რუსულმა ძალებმა დონეცკის ოლქის ქალაქი კურახოვო არტილერიის გამოყენებით დაბომბეს, რის შედეგადაც 5-სართულიანი 2 შენობა და კერძო ავტომობილები დაზიანდა. დაშავდა მინიმუმ ერთი ადამიანი, - ინფორმაციას უკრაინული მედია დონეცკის ოლქის სამხედრო ადმინისტრაციის ხელმძღვანელზე, პაველ კირილენკოზე დაყრდნობით ავრცელებს.

„რუსებმა ქალაქის ცენტრს დაარტყეს. მათ ალბათ იცოდნენ, სად უმიზნებდნენ და იცოდნენ, რომ მხოლოდ მშვიდობიანი მოსახლეობა დაზარალდებოდა,“ - წერს კირილენკო.

რუსულმა ძალებმა კურახოვო, გასული დღის განმავლობაში, ორჯერ დაბომბეს.