ირანის საგარეო უწყების წარმომადგენელი - ზელენსკიმ უნდა იცოდეს, რომ უსაფუძვლო ბრალდებებისადმი ირანის სტრატეგიული მოთმინება უსაზღვრო არ არის

ხუთშაბათს ირანის საგარეო საქმეთა სამინისტროს წარმომადგენელმა, ნასერ ქანაანიმ ვოლოდიმირ ზელენსკის უკრაინის წინააღმდეგ ომში თეირანის მიერ მოსკოვის სამხედრო დახმარების შესახებ განცხადება გააკრიტიკა.

განცხადება ირანის საგარეო საქმეთა სამინისტროს ვებგვერდზეა გამოქვეყნებული.

განცხადების თანახმად, ირანს “არანაირი სამხედრო ტექნიკა არ მიუწოდებია არც ერთი მხარისთვის უკრაინაში ომში გამოსაყენებლად” და ყოველთვის პატივს სცემდა ყველა ქვეყნის ტერიტორიულ მთლიანობას, მათ შორის უკრაინისას.

“ზელენსკიმ უნდა იცოდეს, რომ ასეთი უსაფუძვლო ბრალდებებისადმი ირანის სტრატეგიული მოთმინება უსაზღვრო არ არის”, - განაცხადა ქანაანიმ.

ასევე მას ურჩია უკრაინის პრეზიდენტს “გამოიტანოს გაკვეთილი ზოგიერთი სხვა პოლიტიკური ლიდერის ბედიდან, რომლებიც აშშ-ის დახმარებით სარგებლობდნენ”.

ცნობისთვის, კონგრესის ორივე პალატისადმი სიტყვით მიმართვის დროს, ზელენსკიმ კიდევ ერთხელ განაცხადა ირანის მიერ მოსკოვის სამხედრო დახმარების შესახებ.

“როდესაც რუსეთი ვერ სწვდება ჩვენს ქალაქებს არტილერიით, იგი რაკეტებით ცდილობს მათ განადგურებას. მეტიც, ამ გენოციდურ პოლიტიკაში რუსეთმა თანამზრახველი იპოვა - ირანი. ირანის მომაკვდინებელი დრონები, რომლებიც ასობით მიდის რუსეთში, საფრთხე გახდა ჩვენი კრიტიკული ინფრასტრუქტურისთვის. ასე ერთი ტერორისტი პოულობს მეორეს. დროის საკითხია, როდის დაარტყამენ თქვენს სხვა მოკავშირეებს, თუ ახლა არ გავაჩერებთ მათ”, -

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)