კრემლის პრესსპიკერი, დიმიტრი პესკოვი აცხადებს, რომ რუსეთმა უკრაინის ე.წ. „დემილიტარიზაციის“ კუთხით მნიშვნელოვან პროგრესს მიაღწია.

„შეგვიძლია ვთქვათ, რომ დემილიტარიზაციის გზაზე მნიშვნელოვანი პროგრესია“, - აღნიშნა პესკოვმა.

შეგახსენებთ, რუსეთის პრეზიდენტმა, ვლადიმერ პუტინმა გუშინ გამართულ პრესკონფერენციაზე განაცხადა, რომ რუსეთი ხარჯავს სამხედრო მარაგებს, ეს დიდი ციფრებია, მაგრამ განსხვავება უკრაინის სამხედრო-სამრეწველო კომპლექსთან შედარებით, დიდია - კიევს მალე რეზერვები აღარ ექნება.

პუტინმა ამერიკულ Patriot-ის სარაკეტო სისტემას „საკმაოდ ძველი სისტემა“ უწოდა, რომელიც, მისი თქმით, არ მუშაობს რუსეთის С-300-ის მსგავსად.