პრეზიდენტის ადმინისტრაციასთან მიხეილ სააკაშვილის მხარდამჭერი აქცია მიმდინარეობს

პრეზიდენტის ადმინისტრაციასთან მიხეილ სააკაშვილის მხარდამჭერი აქცია მიმდინარეობს. აქციის ერთ-ერთი ორგანიზატორის, „ნაციონალური მოძრაობის" თავმჯდომარეობის ერთ-ერთი კანდიდატის გიორგი მუმლაძის განცხადებით, აქციის მონაწილეები დღეს პრეზიდენტის ადმინისტრაციასთან გაათენებენ ღამეს.

სალომე ზურაბიშვილს კონსტიტუციით გარანტირებული ძალიან ეფექტური საშუალება აქვს, რომ ერთი ხელის მოწერით, ხუთ წუთში გაათავისუფლოს საქართველოს მესამე პრეზიდენტი. ერთი მხრივ, დაიცვას ადამიანის სიცოცხლე და მეორე მხრივ, გადაარჩინოს საქართველოს დემოკრატიული და ევროპული მომავალი. მოვედით პრეზიდენტთან, რათა შევახსენოთ, რომ ის ელოდებოდა 22 დეკემბერს. ფაქტია, რომ პროცესები იწელება. ეს გადადებები ნიშნავს, რომ პროცესი შეიძლება რამდენიმე თვე გაგრძელდეს. მივმართავთ პრეზიდენტს, გადადგას ნაბიჯი და არ გახდეს მკვლელობის მონაწილე. მას შევახსენებთ, რომ პირველი რესპუბლიკის ერთ-ერთი მთავრობის წევრის შთამომავალია და უნდა ახსოვდეს, რა მოხდა 100 წლის წინ. საქართველოში რუსეთმა კვლავ არ უნდა გაიმარჯვოს. დღეს აქ დავრჩებით და ღამეს გავათენებთ იმიტომ, რომ საზოგადოებამ ნახოს, რომ პირად კომფორტზე უარის თქმის გარეშე ბრძოლა არ გამოდის. „ფეისბუქზე“ წერა და ტელევიზიებში ლაპარაკი საკმარისი არაა. გადავდგათ ნაბიჯები და ვიდგეთ ერთად. თუ მიხეილ სააკაშვილს ციხეში მოგვიკლავენ, ამ ქვეყანაში ნებისმიერი პოლიტიკური პროცესი დასამარდება. აქციები პერმანენტული იქნება, ვინაიდან ყველას ვაჩვენოთ, რომ არ გვეშველება, როდესაც 30 წელიწადში შეიძლება მეორე პრეზიდენტი მოკლან", - განაცხადა გიორგი მუმლაძემ.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?