უკრაინის პრეზიდენტის ადმინისტრაციის ხელმძღვანელის მრჩევლის, მიხაილო პოდოლიაკის განცხადებით, ვლადიმერ პუტინი საკუთარ ილუზიურ სამყაროში ცხოვრობს და არ ესმის უკრაინაში დაწყებული ომით გამოწვეული ვითარება. პუტინი იმედოვნებს, რომ მოიგებს ამ ომს, მაგრამ უკრაინა მისთვის სასიკვდილო განაჩენია.

პოდოლიაკის თქმით, რუსული საზოგადოება და სამხედროები იმავე მოჩვენებით სამყაროში ცხოვრობენ, მაგრამ მათ ასევე ესმით, რომ „საქმეები გეგმის მიხედვით არ მიდის“.

„მათ ესმით, რომ საქმეები გეგმის მიხედვით არ მიდის. ეს გასაგებია. სამხედროებს კი, პირველ რიგში, ესმით, რომ რეალურად მათი ქვეყანა გაძარცვულია. მათ ესმით, რომ მსოფლიოს მეორე არმია და სამხედრო-სამრეწველო კომპლექსი, რომლისაც ყველას უნდა ეშინოდეს, არ არსებობს. მათ ესმით, რომ უკრაინაზე თავდასხმა ნამდვილად არ იყო საჭირო, რადგან ეს არის ქვეყანა, რომელიც აუცილებლად დაასრულებს ამ ომს და ეს იქნება ის, რაც მათ აბსოლუტურად არ მოეწონებათ“, - აღნიშნა პოდოლიაკმა.

მისი თქმით, რუსებს ეს ქვეცნობიერის დონეზე ესმით. თუმცა არის რაღაცეები, რაც რუსეთის ფედერაციის მოსახლეობას საერთოდ არ ესმის. „მათ არ ესმით, რომ სასჯელის გარდაუვალობა არის ცივილიზაციის, როგორც ასეთის არსებობის მთავარი ელემენტი“, - აღნიშნა პოდოლიაკმა.

რაც შეეხება რუსეთის პრეზიდენტს, ვლადიმერ პუტინს, პოდოლიაკის განცხადებით, ის არის ცინიკური ადამიანი, რომლის აზროვნების არსია ზიანი მიაყენოს ვინმეს.

”პუტინი არის ადამიანი - ყველაზე ცინიკური, რომელსაც აბსოლუტურად ესმის, რასაც აკეთებს. მას აბსოლუტურად ესმის, რომ ის რეჟიმია, ის არის მშიშარა, როგორც ნებისმიერი მშიშარა დაკომპლექსებული ადამიანი. ის ძალიან კარგად ხვდება, როცა ვინმეს ზიანს აყენებს, რადგან მისი აზროვნების არსია ზიანი მიაყენოს ვინმეს. ამ შემთხვევაში, მისთვის არ არსებობს უკრაინაზე უფრო საზარელი სიძულვილის ობიექტი. ეს ძალიან მნიშვნელოვანი პარამეტრია", - განაგრძო პოდოლიაკი.