უკრაინის შეიარაღებული ძალები - რუსულმა ძალებმა შობის დღეს უკრაინას 40-ზე მეტი სარაკეტო დარტყმა მიაყენეს

რუსულმა ძალებმა შობის დღეს უკრაინის წინააღმდეგ 40-ზე მეტი სარაკეტო თავდასხმა განახორციელეს. ინფორმაციას უკრაინის შეიარაღებული ძალები ავრცელებს.

მათივე ცნობით, გასული დღის განმავლობაში ოკუპანტებმა უკრაინის ლუგანსკის, დონეცკის, ხარკოვის, ხერსონისა და ზაპოროჟიეს ათობით ქალაქი დაბომბეს.

ამასთან, უკრაინული მხარე აცხადებს, რომ ხერსონის მიმართულებით რუსული ძალები აგრძელებენ მდინარე დნიპროს მარჯვენა სანაპიროზე დასახლებული ტერიტორიების საარტილერიო დაბომბვას.

რუსეთის პრეზიდენტმა, ვლადიმერ პუტინმა 25 დეკემბერს კიდევ ერთხელ განაცხადა, რომ ღიაა მოლაპარაკებებისთვის. მან მოლაპარაკებების ჩაგდებაში უკრაინა და მისი დასავლელი მოკავშირეები დაადანაშაულა. რუსეთის პრეზიდენტს უკრაინის პრეზიდენტის, ვოლოდიმირ ზელენსკის მრჩეველი, მიხაილო პოდოლიაკი გამოეხმაურა და განაცხადა, რომ პუტინი უნდა დაბრუნდეს რეალობაში და აღიაროს, რომ რუსეთს მოლაპარაკება არ სურს.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი