დმიტრო კულება - პატრიოტის საჰაერო თავდაცვის სისტემები უკრაინაში ექვს თვეზე ნაკლებ დროში განთავსდება

შეერთებული შტატების მთავრობამ შეიმუშავა სპეციალური გეგმა უკრაინისთვის გადაცემული Patriot-ის საზენიტო სარაკეტო სისტემის დაჩქარებული განლაგებისთვის, - ამის შესახებ უკრაინის საგარეო საქმეთა მინისტრმა, დმიტრო კულებამ განაცხადა.

კულებას განმარტებით, აშშ-ის მთავრობამ შეიმუშავა სპეციალური გეგმა, რათა Patriot-ის ბატარეა, რომლის მომზადებას, როგორც წესი, ერთ წლამდე სჭირდება, ექვს თვეზე ნაკლებ დროში მოემზადოს უკრაინაში ექსპლუატაციისთვის.

კულებამ ასევე განაცხადა, რომ ის "აბსოლუტურად კმაყოფილია" პრეზიდენტ ვოლოდიმირ ზელენსკის შეერთებულ შტატებში ვიზიტის შედეგებით.

შეგახსენებთ, რომ 21 დეკემბერს ვოლოდიმირ ზელენსკის შეერთებულ შტატებში ვიზიტის ფონზე, აშშ-ის ხელისუფლებამ ოფიციალურად გამოაცხადა უკრაინისთვის სამხედრო დახმარების ახალი, 1.85 მილიარდი დოლარის ღირებულების პაკეტის შესახებ, რომელიც უკრაინისთვის Patriot-ის საჰაერო თავდაცვის სისტემის გადაცემას ითვალისწინებს.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად