დღეის მდგომარეობით, პოლონეთში 950 000 უკრაინელი ლტოლვილი იმყოფება, ქვეყანაში უკრაინის მოქალაქეების მთლიანი რაოდენობა კი 2.3 მილიონს შეადგენს, - ამის შესახებ პოლონეთის განვითარების ფონდის თავმჯდომარის მოადგილემ, ბართოშ მარჩუკმა განაცხადა.
მისივე თქმით, უკრაინელი ლტოლვილების რიცხვი ზაფხულის მაჩვენებელზე 400 000-ით ნაკლებია.
ამასთან, მარჩუკმა განაცხადა, რომ უკრაინელი ლტოლვილების 90% ქალები და ბავშვები არიან. ომს გამოქცეული უკრაინელი ლტოლვილების ყველაზე დიდი რაოდენობა ქვემო სილეზიის სავოევოდოსა (ვროცლავი) და მაზოვიეცის სავოევოდში (ვარშავა) ცხოვრობენ.
პოლონელი ოფიციალური პირის განცხადებით, სრულწლოვანი უკრაინელი ლტოლვილების დაახლოებით 60-70% უკვე დასაქმდა პოლონეთში.