ხარკოვზე რუსული შეიარაღებული ძალების თავდასხმა განხორციელდა. უკრაინის ხელისუფლების წარმომადგენლებმა, მოსახლეობას თავშესაფრებში დარჩენისკენ მოუწოდეს.
ინფორმაციას უკრაინული მედია ხარკოვის მერზე, იგორ ტერეხოვზე, ისევე როგორც, ხარკოვის რეგიონის სამხედრო ადმინისტრაციის ხელმძღვანელზე, ოლეგ სინეგუბოვზე და უკრაინის პრეზიდენტის ოფისის უფროსის მოადგილეზე, კირილო ტიმოშენკოზე დაყრდნობით ავრცელებს.
„ყურადღება, ხარკოვისა და რეგიონის მოსახლეობა, დარჩით თავშესაფრებში. ოკუპანტები თავს გვესხმიან!“ - აღნიშნა სინეგუბოვმა.
საჰაერო განგაშის ხმა ხარკოვსა და მთელს რეგიონში 09:02 საათზე გაისმა. მედიის ცნობით, საჰაერო განგაშის ხმა ასევე ისმოდა უკრაინის აღმოსავლეთ და ცენტრალურ რეგიონებში.