დმიტრო კულება - უგუნური ბარბაროსობა - ეს ერთადერთი სიტყვებია, რაც აზრად მომდის, ვხედავ რა რუსების მორიგ სარაკეტო თავდასხმას უკრაინის მშვიდობიან ქალაქებზე ახალი წლის წინა დღეებში

უკრაინის საგარეო საქმეთა მინისტრის დმიტრო კულებას განცხადებით, იმ ბარბაროსობის ფონზე, რასაც რუსული სამხედროები ახალი წლის წინა დღეებში სჩადიან, არ არსებობს ნეიტრალობა. როგორც საგარეო უწყების ხელმძღვანელი „ტვიტერის" გვერდზე წერს, ასეთ დროს თავის ნეიტრალურად მოჩვენება, რუსეთის მხარეს ყოფნას უტოლდება.

„უგუნური ბარბაროსობა - ეს არის ერთადერთი სიტყვები, რაც აზრად მომდის, ვხედავ რა რუსების მიერ გაშვებულ მორიგ სარაკეტო თავდასხმას უკრაინის მშვიდობიან ქალაქებზე ახალი წლის წინა დღეებში. მსგავსი მასობრივი ომის დანაშაულების ფონზე, არ შეიძლება არსებობდეს ნეიტრალიტეტი. ნეიტრალურად თავის მოჩვენება უტოლდება რუსეთის მხარეს ყოფნას“,- განაცხადა დმიტრო კულებამ.

ცნობისთვის, დღეს დილიდან რუსეთი ფრთოსანი რაკეტებით ბომბავს უკრაინის დიდ ნაწილს, მათ შორის დედაქალაქ კიევსაც.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს