ნატო-ს გენერალური მდივანი - მოვუწოდებ მოკავშირეებს გააკეთონ მეტი - ჩვენი უსაფრთხოების ინტერესებიდან გამომდინარე უზრუნველყონ უკრაინის გამარჯვება და არ დაუშვან პუტინის გამარჯვება

ნატო-ს გენერალურმა მდივანმა, იენს სტოლტენბერგმა გერმანიასა და ალიანსის სხვა ქვეყნებს მოუწოდა უკრაინისთვის იარაღის მიწოდება განაგრძონ.

ამის შესახებ სტოლტენბერგმა გერმანულ საინფორმაციო სააგენტო DPA-სთვის მიცემულ ინტერვიუში განაცხადა.

„შესაძლოა, ეს პარადოქსულად ჟღერდეს, მაგრამ უკრაინის სამხედრო მხარდაჭერა ყველაზე სწრაფი გზაა მშვიდობისკენ“,- განაცხადა ნატო-ს გენერალურმა მდივანმა.

მისივე თქმით, რუსეთის პრეზიდენტი ვლადიმერ პუტინი დარწმუნებული უნდა იყოს იმაში, რომ ის თავის მიზანს მიაღწევს და უკრაინას თავის კონტროლს ვერ დაუქვემდებარებს.

სტოლტენბერგი მიიჩნევს, რომ მხოლოდ ამის შემდეგ შეიძლება გაჩნდეს მოლაპარაკების გზით მშვიდობიანი გადაწყვეტა, რომელიც უზრუნველყოფს უკრაინის, როგორც დამოუკიდებელი დემოკრატიული სახელმწიფოს არსებობას.

სტოლტენბერგმა ასევე ნათლად დააფიქსირა, რომ უკრაინის მხრიდან რუსეთის საბრძოლო ობიექტებზე თავდასხმას სრულიად კანონიერად მიიჩნევს.

„ყველა ქვეყანას აქვს უფლება, დაიცვას საკუთარი თავი, ასევე უკრაინას“,- განაცხადა მან.

სტოლტენბერგი მიიჩნევს, რომ რუსეთის პრეზიდენტი ზამთარს სამოქალაქო პირების წინააღმდეგ იარაღად იყენებს.

„ეს არ არის რუსეთის მხრიდან თავდასხმა სამხედრო ობიექტებზე, ეს არის მასობრივი თავდასხმა მშვიდობიან მოსახლეობაზე იმიტომ, რომ სწორედ მილიონობით უკრაინელს ეზღუდება წვდომა კრიტიკულ ინფრასტრუქტურაზე. რა თქმა უნდა, მე მოვუწოდებ მოკავშირეებს გააკეთონ მეტი. ჩვენი უსაფრთხოების ინტერესებიდან გამომდინარე უზრუნველყონ უკრაინის გამარჯვება და არ დაუშვან პუტინის გამარჯვება“,- განაცხადა ნატო-ს გენერალურმა მდივანმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი