უკრაინელმა სამხედროებმა წუხელ ირანული წარმოების Shahed-ის 39 დრონი და ფრთოსანი რაკეტა ჩამოაგდეს. ინფორმაციას უკრაინის თავდაცვის სამინისტრო ავრცელებს.
მანამდე, უკრაინის „აღმოსავლეთის“ სამხედრო სარდლობამ განაცხადა, რომ დნეპროპეტროვსკისა და ზაპოროჟიეს ოლქებში ქვეყნის საჰაერო თავდაცვის სისტემებმა ორშაბათს, გამთენიისას, ირანული წარმოების 9 დრონი ჩამოაგდეს.
ამასთან, უკრაინის პრეზიდენტმა ვოლოდიმირ ზელენსკიმ გუშინ, ტრადიციული მიმართვის დროს აღნიშნა, რომ უკრაინელმა სამხედროებმა ახალი წლის პირველ ღამეს Shahed-ის 45 დრონი ჩამოაგდეს.