ვოლოდიმირ ზელენსკი - რუსული სცენარი უნდა ჩავშალოთ, ტერორისტები უნდა დამარცხდნენ

ეს წელი დავიწყეთ იმით, რაც ტერორისტული სახელმწიფოს მიერ მომზადებული ახალი სამობილიზაციო პროცესების წინ უკრაინას ყველაზე მეტად სჭირდება - ახლა ის მომენტია, როდესაც ჩვენს პარტნიორებთან ერთად უნდა გავაძლიეროთ თავდაცვა, - ამის შესახებ უკრაინის პრეზიდენტმა, ვოლოდიმირ ზელენსკიმ ტრადიციული მიმართვის დროს განაცხადა, როდესაც მან კანადის, ნიდერლანდების, გაერთიანებული სამეფოსა და ნორვეგიის პრემიერ-მინისტრებთან სატელეფონო საუბრების შესახებ ისაუბრა.

„ეჭვი არ გვეპარება, რომ რუსეთის ამჟამინდელი ბატონ-პატრონები გადაისვრიან ყველაფერს, რაც მათ დარჩათ და ყველას, ვისი შეკრებაც შეუძლიათ იმისთვის, რომ შეეცადონ ომში სიტუაციის შებრუნებას და დამარცხების თუნდაც გადადებას.

ჩვენ უნდა ჩავშალოთ ეს რუსული სცენარი. ამისთვის ვემზადებით. ტერორისტები უნდა დამარცხდნენ. მათი ახალი შეტევის ნებისმიერი მცდელობა წარუმატებელი უნდა იყოს. ეს იქნება ტერორისტული სახელმწიფოს საბოლოო დამარცხება. მადლობას ვუხდი ყველა პარტნიორს, ვისაც ეს ესმის,“ - აღნიშნა ზელენსკიმ.

მისი თქმით, რუსეთი ახორციელებს მათ მობილიზებას, ვისი მოკვლაც სურს, უკრაინა კი ახორციელებს ცივილიზებული სამყაროს მობილიზაციას სიცოცხლის გულისთვის.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
საქართველო და პოსტ-საბჭოთა პერიოდის დასასრული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე