რუსულმა ძალებმა ზაპოროჟიეზე სარაკეტო თავდასხმა განახორციელეს, რის შედეგადაც ერთი ადამიანი დაშავდა, სამოქალაქო ინფრასტრუქტურის ობიექტს კი ხანძარი გაუჩნდა, - ინფორმაციას უკრაინული მედია ზაპოროჟიეს სამხედრო ადმინისტრაციის ხელმძღვანელზე, ალექსანდრე სტარუხზე დაყრდნობით ავრცელებს.
სტარუხის ინფორმაციით, ადგილზე შესაბამისი სამსახურები მუშაობენ. მან მოსახლეობას სიფხიზლის გამოჩენისკენ მოუწოდა.
ცნობისათვის, უკრაინაში წუხელ განგაში გამოცხადდა დონეცკის, ლუგანსკის, ხარკოვის, პოლტავასა და დნეპროპეტროვსკის ოლქებში. გავრცელდა ინფორმაცია ხერსონის ოლქში აფეთქებების შესახებაც.