პოლონეთის თავდაცვის მინისტრმა მარიუშ ბლაშჩაკმა 115 Abrams-ის ტანკის შეძენის კონტრაქტს მოაწერა ხელი. ინფორმაციას ამის შესახებ პოლონური გამოცემა RMF24 ავრცელებს.
კონტრაქტის ხელმოწერა ვესოლაში ვარშავის 1-ლი ჯავშანსატანკო ბრიგადის შტაბში შედგა. ცერემონიაში მონაწილეობა ასევე მიიღეს პოლონეთში აშშ-ის საქმეებში დროებით რწმუნებულმა დენიელ ლიუტონმა და პოლონეთის შეიარაღებული ძალების სახმელეთო ჯარების ინსპექტორმა, გენერალ მაჩეი იაბლონსკიმ.
“ეს ტანკები პირდაპირ აქ მოვა, ველოსაში, ისინი ჩვენი ქვეყნის აღმოსავლეთში წავლენ, რათა ეფექტიანად შეაკავონ აგრესორი”, - აღნიშნა ბლაშჩაკმა.
მან ასევე განაცხადა, რომ პოლონეთი ტანკების ნაწილს უკვე წელს მიიღებს, ხოლო დაგეგმილი 116 ტანკის მიღება მომავალ წელს დასრულდება.
“ჩვენ ვაძლიერებთ პოლონური არმიის შეჯავშნულ მუშტს, ჩვენ ვაძლიერებთ პოლონურ შეიარაღებულ ძალებს აგრესორის ეფექტიანად შესაკავებლად. გაძლიერების ერთ-ერთ ელემენტს სწორედ პოლონური არმიის ტექნიკით აღჭურვა წარმოადგენს, რომელიც ჩვენს მთლიან შეკავების პოლიტიკაში საუკეთესო არგუმენტია - და ასეთ ტექნიკას Abrams-ის ტანკები წარმოადგენს”, - აღნიშნა პოლონეთის თავდაცვის მინისტრმა.