შენი ლიდერობა ჩვენს გამარჯვებას აახლოებს, - ამის შესახებ უკრაინის პრეზიდენტის, ვოლოდიმირ ზელენსკის საფრანგეთის პრეზიდენტ, ემანუელ მაკრონთან გამართული სატელეფონო საუბრის შემდეგ გამოქვეყნებულ განცხადებაშია ნათქვამი.

ზელენსკის თქმით, შეთანხმდნენ უკრაინის საჰაერო თავდაცვითი შესაძლებლობების გასაძლიერებლად შემდგომ თანამშრომლობაზე.

“გრძელი და დეტალური საუბარი მქონდა საფრანგეთის პრეზიდენტ ემანუელ მაკრონთან არსებული ვითარების შესახებ. მადლობა გადავუხადე უკრაინისთვის მსუბუქი ტანკებისა და Bastion ჯავშანტრანსპორტიორების გადაცემის გადაწყვეტილებისთვის, ისევე როგორც ამ მიმართულებით პარტნიორების მუშაობის გაძლიერებისთვის. შევთანხმდით ჩვენი საჰაერო თავდაცვისა და სხვა თავდაცვითი შესაძლებლობების გასაძლიერებლად შემდგომ თანამშრომლობაზე. ასევე შევთანხმდით მშვიდობის ფორმულის იმპლემენტაციაზე მუშაობაზე.

მადლობა, მეგობარო! შენი ლიდერობა ჩვენს გამარჯვებას აახლოებს”, - წერს ზელენსკი.