აშშ უკრაინას 2.8 მილიარდი დოლარის ოდენობის სამხედრო დახმარების პაკეტს გადასცემს, მათ შორის 50 Bradley-ს ქვეითთა საბრძოლო მანქანას. ინფორმაციას ამის შესახებ Reuters ორ ამერიკელ მაღალჩინოსანზე დაყრდნობით ავრცელებს.

გამოცემის თანახმად, სამხედრო დახმარების პაკეტის შესახებ ოფიციალური განცხადების გაკეთება პარასკევსაა მოსალოდნელი.

ცნობისთვის, ოთხშაბათს აშშ-ის პრეზიდენტმა ჯო ბაიდენმა განაცხადა, რომ განიხილავდა Bradley-ს საბრძოლო მანქანების უკრაინისთვის გადაცემას.

მანამდე საფრანგეთის პრეზიდენტმა, ემანუელ მაკრონმა უკრაინისთვის AMX-10 RC მსუბუქი ტანკების გადაცემის შესახებ განაცხადა.

გერმანული მედიის თანახმად კი, გერმანიის თავდაცვის სამინისტრო უკრაინისთვის 20-დან 40-მდე Marder-ის ტიპის ქვეითთა საბრძოლო მანქანის გადაცემის შესაძლებლობას განიხილავს.