სოლედარში მძიმე, სისხლიანი ბრძოლებია, მაგრამ რუსები ქალაქს არ აკონტროლებენ, - ამის შესახებ უკრაინის შეიარაღებული ძალების აღმოსავლეთ ჯგუფის წარმომადგენელმა, სერგეი ჩერევატიმ განაცხადა.

„მხოლოდ 00:00-საათიდან, ამ მიმართულებით ოკუპანტის მიერ 76 დაბომბვა მოხდა, 10 საბრძოლო შეტაკება.

ჩვენი შეიარაღებული ძალები, ხელმძღვანელობა ყველაფერს აკეთებენ, რათა მტერს მაქსიმალური ზიანი მიაყენონ ცოცხალ ძალასა და ტექნიკაში. ყველაფერს აკეთებენ იმისთვის, რომ გაათანაბრონ ტაქტიკური მდგომარეობა და იმოქმედონ იმისდა მიხედვით, თუ როგორ მოითხოვს ამას ოპერატიული ვითარება ამ მომენტში, რათა მტერს ზიანი მიაყენონ და მაქსიმალურად შეინახონ საკუთარი ძალები”, - აღნიშნა ჩერევატიმ.

მან აღნიშნა, რომ დეტალებს მოგვიანებით გაავრცელებს, მაგრამ ხაზგასმით აღნიშნა, რომ სოლედარი რუსების კონტროლის ქვეშ არ იმყოფება.