რუსულმა ძალებმა ხარკოვის ოლქის შევჩენკოვოს დასახლებაში, ბაზარზე სარაკეტო იერიში განახორციელეს.

„კუპიანსკის რაიონის შევჩენკოვოს დასახლებაში დაფიქსირდა სარაკეტო დარტყმა ადგილობრივ ბაზარზე (წინასწარი ინფორმაციით, S-300 ტიპის ზალპური ცეცხლის რეაქტიული სისტემიდან)”, - განაცხადა ხარკოვის საოლქო სამხედრო ადმინისტრაციის ხელმძღვანელმა, ოლეგ სინეგუბოვმა.

მისივე ინფორმაციით, სარაკეტო თავდასხმის შედეგად შვიდი მშვიდობიანი მოქალაქე დაშავდა.

„გადაუდებელი სამედიცინო დახმარების რეგიონული ცენტრის ინფორმაციით, შევჩენკოვოზე სარაკეტო თავდასხმის შედეგად შვიდი მშვიდობიანი მოქალაქე, მათ შორის 13 წლის გოგონა, დაშავდა", - წერს სინეგუბოვი.

მოგვიანებით ცნობილი გახდა, რომ სარაკეტო თავდასხმის შედეგად 60 წლის ქალი გარდაიცვალა. ყველა დანარჩენი დაშავებული საავადმყოფოში გადაიყვანეს. მაშველები ნანგრევების გაწმენდას განაგრძობენ.