რუსულმა ძალებმა ხერსონში საცხოვრებელი კვარტალი დაბომბეს, ცნობილია მინიმუმ ერთი დაღუპულის შესახებ, - ინფორმაციას უკრაინული მედია პრეზიდენტის აპარატის უფროსის მოადგილეზე, კირილო ტიმოშენკოზე დაყრდნობით ავრცელებს.

"ოკუპანტებმა კიდევ ერთხელ დაბომბეს ქალაქი. ჭურვი პირდაპირ საცხოვრებელი კვარტლის გზაჯვარედინზე ჩამოვარდა. ჭურვის ჩამოვარდნის შედეგად კერძო საცხოვრებელ სახლში ხანძარი გაჩნდა“, – წერს ტიმოშენკო „ტელეგრამზე“.