რუსულმა ძალებმა ზაპოროჟიეს კვლავ დაარტყეს, რის შედეგადაც ქალაქში ინფრასტრუქტურული ობიექტები დაზიანდა, - ინფორმაციას უკრაინული მედია ზაპოროჟიეს საქალაქო საბჭოს მდივანზე, ანატოლი კურტევზე დაყრდნობით ავრცელებს.

"დაწყევლილი მტერი კვლავ ცინიკურად დაესხა თავს ჩვენს ღამის ქალაქს. დაზიანდა ინფრასტრუქტურული ობიექტები, გაჩნდა ხანძარი", - აცხადებს ანატოლი კურტევი.

მისი თქმით, დაბომბვის შედეგად დაზიანდა საცხოვრებელი სახლებიც.

"წინასწარი ინფორმაციით, ადამიანები არ დაშავებულან. ადგილზე შესაბამისი სამსახურები უკვე მუშაობენ", - წერს კურტევი.