სოლედარის რაიონში სასტიკი ბრძოლები გრძელდება, მტერი წარუმატებლად ცდილობს თავდაცვის გარღვევას და მნიშვნელოვან დანაკარგებს განიცდის, - ამის შესახებ უკრაინის თავდაცვის მინისტრის მოადგილემ, ანა მალიარმა განაცხადა.

„ახლა სასტიკი და მძიმე ბრძოლები მიმდინარეობს სოლედარის რაიონში ბახმუტის მიმართულებით. მძიმე სიტუაციის მიუხედავად, უკრაინელი ჯარისკაცები შეუპოვრად იბრძვიან. მტერი წარუმატებლად ცდილობს ჩვენი თავდაცვითი ძალების გარღვევას და სოლედარის ხელში ჩაგდებას და მძიმე დანაკარგებს განიცდის", - აღნიშნა ანა მალიარმა.

მისივე თქმით, ქალაქის მისადგომები, ფაქტობრივად, სავსეა პუტინის მოკლული სამხედროების ცხედრებით.