მიხაილო პოდოლიაკი - რუსეთმა ბახმუტსა და სოლედართან, სავარაუდოდ, 20 000-მდე ჯარისკაცი დაკარგა

უკრაინის პრეზიდენტის ადმინისტრაციის ხელმძღვანელის მრჩევლის, მიხაილო პოდოლიაკის განცხადებით, რუსეთმა დონეცკის ოლქის ქალაქებთან, ბახმუტთან და სოლედართან ბრძოლების დროს,სავარაუდოდ, 20 000-მდე ჯარისკაცი დაკარგა, თუმცა, მისი თქმით, ოკუპანტები დანაკარგებს არ ითვალისწინებენ.

„შეუძლებელია ზუსტად იმის თქმა, თუ რა დანაკარგები განიცადა ამ მიმართულებით რუსულმა არმიამ, მაგრამ ეს არ არის ათასი და ორი ათასი - ეს არის 10, 15 და 20 ათასიც კი ბახმუტსა და სოლედარზე შეტევის მთელი პერიოდის განმავლობაში. ისინი არ ითვლიან დანაკარგებს“, - აღნიშნა პოდოლიაკმა.

მისი თქმით, რუსები შიდა აუდიტორიისთვის უკვე ერთი კვირაა საუბრობენ ეფექტურ პროგრესზე ბახმუტის მიმართულებით და ახლა სოლედარში.

„მაგრამ მე ხაზს ვუსვამ, რომ ეს ასე არ არის - რუსები იბრძვიან ისევე, როგორც ადრე - ისინი სოლედართან ძალების დიდი რაოდენობის კონცენტრირებას ახორციელებენ, მაგრამ ეს არ გამოიწვევს ომში გარდატეხას. ერთადერთი, რის გამოც ვწუხვარ, არის ჩვენი ბიჭების რაოდენობა, რომლებსაც მინუს 17 გრადუს ყინვაში ავტომატების ხელში ჭერა დღეების განმავლობაში უწევთ, ძნელია, ჩვენ ხალხს ვკარგავთ, მაგრამ რუსეთი ვეღარ შეძლებს ამ ომის დინების თავის სასარგებლოდ შემობრუნებას“, - განაცხადა პოდოლიაკმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი