ჩვენი მიზანია Leopard-ებისგან სატანკო ბრიგადის ჩამოყალიბება, - ამის შესახებ უკრაინის საგარეო საქმეთა მინისტრმა დმიტრო კულებამ განაცხადა.

„ეს დასაწყისისთვის. რატომ Leopard? რადგან ეს ტანკია, რომელიც ევროპაში ათწლეულების განმავლობაში იწარმოებოდა და ბევრ ევროპულ არმიაში არის. ამიტომ შეიძლება იქ ცოტა ავიღოთ, აქ ცოტა ავიღოთ”, - განაცხადა კულებამ.

მისი თქმით, უკვე ცნობილია ხუთი ქვეყანა, მათ შორის პოლონეთი და ფინეთი, რომლებიც მზად არიან უკრაინისთვის ამ ტანკების გადასაცემად, თუმცა ყველა მათგანი გერმანიის, როგორც ამ ტანკების მწარმოებელი ქვეყნის, ნებართვას ელის.

ცნობისთვის, უკრაინის შეიარაღებული ძალების სატანკო ბრიგადა არა ნაკლებ 93 ტანკს ითვლის.