დნიპროში, საცხოვრებელ კორპუსზე რუსული ძალების თავდასხმის შედეგად დაღუპულთა რიცხვი 25-მდე გაიზარდა

ამ დროისთვის 39 ადამიანის, მათ შორის 6 ბავშვის, გადარჩენა მოხერხდა. 25 ადამიანი, მათ შორის 1 ბავშვი დაიღუპა. 73 ადამიანი, მათ შორის 13 ბავშვი, დაშავდა. 43 ადამიანი დაკარგულად ითვლება - ამის შესახებ უკრაინის პრეზიდენტმა ვოლოდიმირ ზელენსკიმ ქალაქ დნიპროში, რუსული ძალების მიერ საცხოვრებელ კორპუსზე განხორციელებულ თავდასხმასთან დაკავშირებით განაცხადა.

უკრაინის პირველი პირის თქმით, რუსული იერიშის შედეგად, 72 ბინა განადგურდა, ხოლო 230-ზე მეტი ბინა კი დაზიანდა. ზელენსკის განცხადებითვე, დაშავებულებს დახმარებას ფსიქოლოგები უწევენ.

„სამძებრო-სამაშველო სამუშაოები და სახიფათო სტრუქტურული ელემენტების დემონტაჟი გრძელდება. 24-საათიან რეჟიმში. ჩვენ ვაგრძელებთ ბრძოლას ყოველი სიცოცხლისთვის. ვუსამძიმრებ დაღუპულთა ყველა ნათესავსა და მეგობარს”, - აღნიშნა ზელენსკიმ.

შეგახსენებთ, 14 იანვარს, ქალაქ დნიპროში მრავალსართულიან საცხოვრებელ კორპუსზე რუსმა სამხედროებმა სარაკეტო თავდასხმა განახორციელა.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია