რუსულმა ძალებმა წუხელ ზაპოროჟიეზე სარაკეტო იერიში მიიტანეს, - ინფორმაციას უკრაინული მედია ზაპოროჟიეს ოლქის სამხედრო ადმინისტრაციის ხელმძღვანელზე, ალექსანდრე სტარუხზე დაყრდნობით ავრცელებს.
"განადგურებულია სამოქალაქო, საცხოვრებელი და სამრეწველო ინფრასტრუქტურა. გვაქვს ინფორმაცია რამდენიმე მსუბუქად დაჭრილის შესახებ. ადგილზე ყველა შესაბამისი სამსახური მუშაობს", - დაწერა სტარუხმა „ტელეგრამზე“.
ზაპოროჟიის საკრებულოს მდივანმა, ანატოლი კურტევმა გამოაქვეყნა ფოტო, სადაც თავდასხმის შედეგებია ასახული.
"ღამის თავდასხმის შედეგად დაშავდა ხალხი, დაზიანებულია სახლები", - წერს ის „ტელეგრამის“ არხზე.
მისივე ინფორმაციით, სამი ადამიანი, მათ შორის ცხრა და თხუთმეტი წლის ორი ბავშვი, საავადმყოფოშია გადაყვანილი.