პოლონეთის პრემიერ-მინისტრი მატეუშ მორავეცკი უკრაინის ქალაქ დნიპროში განხორციელებულ სარაკეტო თავდასხმას ეხმაურება და აცხადებს, რომ რუსეთის შესაჩერებლად დაუყოვნებლივ მოქმედებაა საჭირო.

„რუსეთი განზრახ აგრძელებს ომის დანაშაულების ჩადენას მშვიდობიანი მოსახლეობის წინააღმდეგ. ეს არაჰუმანურია. ჩვენ უნდა ვიმოქმედოთ ახლავე და ვაიძულოთ ისინი, შეჩერდნენ“, - წერს პოლონეთის პრემიერი „ტვიტერზე“.

შეგახსენებთ, დნიპროში, საცხოვრებელ კორპუსზე რუსული ძალების მიერ 14 იანვარს განხორციელებული თავდასხმის შედეგად დაღუპულთა რიცხვი 30-მდე გაიზარდა.