თურქეთის ომბუდსმენის განცხადებით, უკრაინა და რუსეთი დიდი რაოდენობით სამხედრო ტყვეების გაცვლაზე მუშაობენ

თურქეთის ომბუდსმენის განცხადებით, უკრაინა და რუსეთი დიდი რაოდენობით სამხედრო ტყვეების გაცვლაზე მუშაობენ, რომელშიც მონაწილეობა შესაძლოა 1000 ადამიანმა მიიღოს.

ინფორმაციას CNN Turk-ი ავრცელებს.

„შეხვედრაზე, რომელსაც ვესწრებოდი, უკრაინის ომბუდსმენმა რუსულ მხარეს 800-კაციანი სია გადასცა. რუსეთის ომბუდსმენმა თავის უკრაინელ კოლეგას კი 200-კაციანი სია გადასცა“, - აღნიშნა თურქეთის ომბუდსმენმა, შერეფ მალკოჩმა.

თურქეთის სახალხო დამცველის თქმით, გაცვლა ამით არ შემოიფარგლება. როგორც მალკოჩმა აღნიშნა, ეს დაჭრილთა, ტყვედ ჩავარდნილთა სიაა, ამის გარდა კი „ათასობით ბავშვი, ქალი და სხვა პრობლემებია“.

„თუ ჩვენ შევძლებთ „სტამბოლის პლატფორმის“ შექმნას, ეს საკითხები უფრო მარტივად შეიძლება განიხილებოდეს. ჩვენ ამ მექანიზმის შექმნის პროცესში ვართ“, - განაცხადა თურქეთის ომბუდსმენმა, შერეფ მალკოჩმა.

როგორც მალკოჩმა დასძინა, თურქეთი მზადაა ნებისმიერი გაცვლისთვის სტამბოლში ჰუმანიტარული დერეფანი შექმნას.

ცნობისთვის, თურქეთის პრეზიდენტი დღეს რუსეთის პრეზიდენტს ესაუბრა. რეჯეფ თაიფ ერდოღანმა ვლადიმერ პუტინს უკრაინასა და რუსეთს შორის მოლაპარაკებებში შუამავლობა კვლავ შესთავაზა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024