გერმანიისა და ნიდერლანდების საგარეო საქმეთა მინისტრებმა რუსების მიერ ათასობით უკრაინელი ბავშვის გატაცება დაგმეს

გერმანიისა და ნიდერლანდების საგარეო საქმეთა მინისტრებმა რუსების მიერ ათასობით უკრაინელი ბავშვის გატაცება დაგმეს.

ანალენა ბაერბოკმა და ვოპკე ჰუკსტრამ უკრაინელი ბავშვების დეპორტაციას „სასტიკი და არაადამიანური გატაცებების წინასწარ განზრახული პოლიტიკა“ უწოდეს, რომელიც ოჯახებს ანგრევს.

ამასთან, გერმანიის საგარეო უწყების ხელმძღვანელი ანალენა ბაერბოკი, უკრაინაში შეჭრის გამო რუსეთის ლიდერების სისხლის სამართლებრივი დევნისთვის სპეციალური საერთაშორისო ტრიბუნალის შექმნის მოწოდებით გამოვიდა.

„ამ ბავშვებმა საკუთარი სახლები თავიანთი ნებით არ დატოვეს. ეს ბავშვები გაიტაცეს“, - აღნიშნა ბაერბოკმა.

ნიდერლანდების საგარეო საქმეთა მინისტრის თქმით, რუსეთის წინასწარ განზრახული პოლიტიკა ოჯახებს ანგრევს და ბავშვებს ტრავმას აყენებს.

„ეს [უკრაინელი ბავშვების გატაცებები] არის სასტიკი და არაადამიანური. ნება მომეცით ნათლად განვაცხადო, რომ რუსეთის მიერ გატაცებული ბავშვები რაც შეიძლება მალე უნდა დაბრუნდნენ საკუთარ ქვეყანაში“, - დასძინა ჰუკსტრამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024