ვოლოდიმირ ზელენსკი - დნიპროში ჩადენილი ომის დანაშაულის ყველა მონაწილე სასამართლოს წინაშე წარდგება

უკრაინის უსაფრთხოების სამსახურმა უკვე დაიწყო ინფორმაციის შეგროვება იმ რუსი სამხედროების შესახებ, რომლებმაც დნიპროზე დარტყმა მოამზადეს და განახორციელეს. ეჭვგარეშეა: ამ ომის დანაშაულში მონაწილე ყველა დამნაშავე გამოვლინდება და სასამართლოს წინაშე წარდგება, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისი თქმით, დნიპროში სამაშველო ოპერაცია კვლავ გრძელდება.

„ამ დრომდე ნანგრევებიდან 39 ადამიანი გამოიყვანეს, მათ შორის 6 ბავშვი. ცნობილია 40-მდე დაღუპულის შესახებ, მათ შორის 3 ბავშვია. ვუსამძიმრებ ყველას, ვისი ახლობლებიც დაიღუპა ამ დარტყმის შედეგად!“- აღნიშნა ზელენსკიმ.

მისი თქმით, ეს დარტყმა დნიპროზე, ისევე როგორც სხვა მსგავსი დარტყმები, მიეკუთვნება სისხლის სამართლის საერთაშორისო სასამართლოს იურისდიქციას.

"ჩვენ გამოვიყენებთ ყველა ხელმისაწვდომ შესაძლებლობას - როგორც ეროვნულს, ასევე საერთაშორისოს იმისათვის, რომ ყველა რუსმა მკვლელმა, ყველამ, ვინც გასცემს და ახორციელებს ბრძანებებს ჩვენი ხალხის წინააღმდეგ სარაკეტო ტერორის შესახებ, მიიღოს კანონიერი სასჯელი“, - აღნიშნა ზელენსკიმ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი