უკრაინის ომბუდსმენი - „წითელ ჯვარს” რუსეთში უკრაინელ ტყვეებთან წვდომა დღემდე არ აქვს

რუსეთი დღემდე არ უშვებს “წითელ ჯვარს” უკრაინელ ტყვეებთან. ამის შესახებ უკრაინის უმაღლესი რადას ადამიანის უფლებათა კომისარი დმიტრი ლუბინეცი “ტელეგრამის” პირად არხზე წერს.

“წითელი ჯვრის საერთაშორისო კომიტეტს დღემდე არ აქვს წვდომა ომისა და სამოქალაქო ტყვეებთან.

რუსეთის ფედერაციის ომბუდსმენთან ტატიანა მოსკალკოვასთან განხილვის ერთ-ერთი თემა წითელი ჯვრის საერთაშორისო კომიტეტის თემატიკა იყო, კერძოდ, მათი წარმომადგენლების არდაშვება ომისა და სამოქალაქო ტყვეებთან, რომლებიც რუსულ მხარეს ჰყავს აყვანილი”, - წერს ლუბინეცი.

მან აღნიშნა, რომ მოსკალკოვას ონლაინ-შეხვედრა შესთავაზა, რომელსაც ორივე ომბუდსმენი და “წითელი ჯვრის” მუდმივი მონიტორინგის მისიების ხელმძღვანელები დაესწრებიან როგორც რუსეთიდან, ასევე უკრაინიდან.

ლუბინეცის თქმით, მისი წინადადება მიიღეს, მაგრამ იგი ჯერ კიდევ ელოდება შეთანხმებას. ამავდროულად, 17 იანვარს რუსეთის ომბუდსმენმა მოსკალკოვამ განაცხადა, რომ ლუბინეცთან ტყვეების გაცვლის შესახებ არ ულაპარაკია.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს