უკრაინას უკვე გარანტირებული აქვს Patriot-ის სამი საზენიტო-სარაკეტო კომპლექსი. ჩვენი საჰაერო თავდაცვის გასაძლიერებლად ახალ გადაწყვეტილებებზე მუშაობა გრძელდება, - ამის შესახებ უკრიანის პრეზიდენტმა, ვოლოდიმირ ზელენსკიმ ტრადიციულ ვიდეომიმართვაში განაცხადა.

მისი თქმით, ეს მხოლოდ დასაწყისია. ამასთან, ვოლოდიმირ ზელენსკიმ ნიდერლანდების პრემიერ-მინისტრს, მარკ რუტეს უკრაინისთვის Patriot-ის საზენიტო-სარაკეტო კომპლექსის მიწოდებასთან დაკავშირებით მადლობა გადაუხადა.

„ნიდერლანდების პრემიერ-მინისტრისგან, მარკ რუტესგან ძალიან მნიშვნელოვანი ამბავი მოვისმინეთ. ეს სიახლე რეალურად არის მასთან ჩვენი ბოლო მოლაპარაკებების გაგრძელება. უკრაინას Patriot-ის კიდევ ერთი ბატარეა მიეწოდება", - განაცხადა ზელენსკიმ.