უკრაინის პრეზიდენტის მრჩეველი - უკრაინამ რუსეთში გატაცებული 125 ბავშვი დაიბრუნა

უკრაინამ ომის დროს რუსეთში უკანონოდ წაყვანილი 125 ბავშვის დაბრუნება მოახერხა, - ამის შესახებ უკრაინის პრეზიდენტის მრჩეველმა-კომისარმა ბავშვთა უფლებების დაცვისა და ბავშვთა რეაბილიტაციის საკითხებში დარია გერასიმჩუკმა დავოსში, მსოფლიო ეკონომიკური ფორუმის ფარგლებში პროექტის „უკრაინა შენ ხარ“ გახსნისას განაცხადა.

მისი თქმით, დღეს ცნობილია რუსეთის ფედერაციის მიერ თითქმის 14 ათასი ბავშვის გატაცების შესახებ.

„ჩვენ შევძელით რუსეთის არმიის მიერ გატაცებული და დეპორტირებული თითქმის 14 000 ბავშვის მონაცემების დადგენა და გადამოწმება და, სამწუხაროდ, შეგვიძლია ვთქვათ, რომ მათგან მხოლოდ 125-ის სახლში დაბრუნება მოვახერხეთ “, - აღნიშნა დარია გერასიმჩუკმა.

მისი თქმით, უკრაინაში რუსეთის სრულმასშტაბიანი შეჭრის დაწყებიდან დღემდე 456 ბავშვი დაიღუპა, კიდევ 897 კი - დაშავდა.

„ჩვენი პრეზენტაციის მიმდინარეობის დროს შევიტყვეთ, რომ დნიპროში ნანგრევებიდან კიდევ ერთი ბავშვი ამოიყვანეს, რომელიც რაშისტებმა მოკლეს“, - აღნიშნა უკრაინის პრეზიდენტის მრჩეველმა.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია