ვოლოდიმირ ზელენსკი ბროვარიში ვერტმფრენის ჩამოვარდნაზე - დენისი, ევგენი, იური, შსს-ს გუნდი, უკრაინის ნამდვილი პატრიოტები - დაე, ყველამ, ვინც ამ შავ დილას გარდაიცვალა, მშვიდად განისვენოს, ტკივილი ენით გამოუთქმელია

უკრაინის პრეზიდენტმა, ვოლოდიმირ ზელენსკიმ კიევის ოლქში, ბროვარიში, ვერტმფრენის ჩამოვარდნის შედეგად დაღუპულთა გამო მწუხარება გამოთქვა.

ქვეყნის პირველმა პირმა, დაღუპულთა ოჯახებსა და მეგობრებს მიუსამძიმრა.

„დენისი, ევგენი, იური, შინაგან საქმეთა სამინისტროს გუნდი... უკრაინის ნამდვილი პატრიოტები. მშვიდად განისვენონ! დაე, ყველამ, ვინც ამ შავ დილას გარდაიცვალა, მშვიდად განისვენოს!“, - აღნიშნა უკრაინის პრეზიდენტმა.

როგორც ზელენსკიმ აღნიშნა, ბროვარში უკრაინის საგანგებო სიტუაციების სახელმწიფო სამსახურის ვერტმფრენი ჩამოვარდა.

„ამ წუთის მონაცემებით, 15 ადამიანია გარდაცვლილი. მსხვერპლის ზუსტი რაოდენობა დგინდება“, - განაცხადა უკრაინის პირველმა პირმა.

ზელენსკის თქმითვე, ამ წუთის მონაცემებით 3 ბავშვი დაიღუპა, 25 ადამიანი კი დაშავდა, მათ შორის 10 ბავშვი.

„ტკივილი ენით გამოუთქმელია. ვერტმფრენი ერთ-ერთი საბავშვო ბაღის ტერიტორიაზე ჩამოვარდა. უკრაინის უსაფრთხოების სამსახურს უკრაინის ეროვნულ პოლიციასთან და სხვა უფლებამოსილ ორგანოებთან თანამშრომლობით დავავალე, მომხდარის ყველა გარემოება გაარკვიოს. ტრაგედიის ადგილზე ყველა სამსახური მუშაობს“, - აღნიშნა ზელენსკიმ.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?