კანადა უკრაინას სამხედრო დახმარების ფარგლებში Senator-ის ტიპის 200 ჯავშანმანქანას გადასცემს

კანადა უკრაინას სამხედრო დახმარების ფარგლებში Senator-ის ტიპის 200 ჯავშანმანქანას გადასცემს.

ამის შესახებ კანადის თავდაცვის მინისტრმა ანიტა ანანდმა National Post-ისთვის მიცემულ კომენტარში განაცხადა.

თავდაცვის მინისტრის თქმით, 2022 წლის დასაწყისიდან კანადამ უკრაინას სამხედრო, ეკონომიკური, ჰუმანიტარული და სხვა სახის ჯამში 5 მილიარდ დოლარზე მეტი ღირებულების დახმარება მიაწოდა, მათ შორის არის 1 მილიარდი დოლარის ღირებულების სამხედრო დახმარება.

„მე ახლახან განვაცხადე 200 ჯავშანმანქანის გადაცემის შესახებ. ეს ავტომობილები უზრუნველყოფს პერსონალისა და აღჭურვილობის უსაფრთხო გადაადგილებას, ასევე უსაფრთხოდ ახორციელებს სამედიცინო ევაკუაციას. მსგავსი ტრანსპორტი ჯარისკაცებს შესაძლებლობას აძლევს წინასწარ აღმოაჩინონ საფრთხე, ჯავშანი კი მათ დაცვას უზრუნველყოფს“, - განაცხადა მინისტრმა.

კანადის მიერ გაწეულ დახმარებას უკრაინის პრეზიდენტი ვოლოდიმირ ზელენსკი „ტვიტერის“ გვერდზე გამოეხმაურა და კანადის პრემიერს ჯასტინ ტრიუდოს დახმარებისთვის მადლობა გადაუხადა.

„უკრაინისთვის ამ რთულ დღეს, ჩვენი მეგობრები აგრძელებენ ჩვენს დახმარებას. დიდი მადლობა ჯასტინ ტრიუდოს და კანადის მოსახლეობას, დახმარების კიდევ ერთი პაკეტისთვის. დღეს უკრაინას 200 ჯავშანმანქანა ისე სჭირდება, როგორც არასდროს. ერთად ჩვენ მივიწევთ წინ გამარჯვებისკენ“,- განაცხადა ვოლოდიმირ ზელენსკიმ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი