ევროპარლამენტმა ოლაფ შოლცს მოუწოდა, უკრაინას Leopard 2-ის ტიპის ტანკები, საჰაერო თავდაცვის სისტემები და სხვა თანამედროვე შეიარაღება დაუყოვნებლივ გადასცეს
ევროპარლამენტმა გერმანიის კანცლერს, ოლაფ შოლცს მოუწოდა, უკრაინას Leopard 2-ის ტიპის ტანკები, ასევე საჰაერო თავდაცვის სისტემები და სხვა თანამედროვე შეიარაღება დაუყოვნებლივ გადასცეს.
ამის შესახებ საუბარია ევროკავშირის უსაფრთხოებისა და თავდაცვის საერთო პოლიტიკის რეალიზაციის შესახებ 2022 წლის ანგარიშში, რომელიც დღეს დამტკიცდა.
ანგარიშში ევროდეპუტატები აღნიშნავენ, რომ უკრაინა იცავს თავის ტერიტორიულ მთლიანობას და საჭიროებს გადაუდებელ სამხედრო დახმარებას, კონკრეტულად კი მძიმე შეიარაღებას „ომში გამარჯვებისთვის.
ამასთან, ევროპარლამენტი მოუწოდებს ევროკავშირის ყველა ქვეყანას, გაზარდონ სამხედრო, პოლიტიკური და ჰუმანიტარული დახმარება უკრაინისთვის.
„ევროკავშირის რეაქცია უკრაინის წინააღმდეგ რუსეთის აგრესიულ ომზე დეტალური დაკვირვების ქვეშაა მსოფლიოს ავტოკრატიების მხრიდან და ექნება მნიშვნელოვანი გავლენა საერთაშორისო არენაზე მათ ქცევაზე“,- ნათქვამია ანგარიშში.
