შეერთებული შტატები აპირებს დაასრულოს მუშაობა უკრაინისთვის მასშტაბური სამხედრო დახმარების პაკეტის გამოყოფაზე, რომელიც, საერთო ჯამში, დაახლოებით 2.5 მილიარდი დოლარის ღირებულების იარაღს მოიცავს, - ინფორმაციას CNN-ი ინფორმირებულ წყაროებზე დაყრდნობით ავრცელებს.
CNN-ი იუწყება, რომ ახალი პაკეტი მოიცავს Stryker-სა და Bradley-ს საბრძოლო მანქანებს, ქვეითთა ჯავშანმანქანებს, MRAP-ებს. მოსალოდნელია, რომ შეერთებული შტატები უკრაინას ასევე გაუგზავნის დამატებით საბრძოლო მასალას საარტილერიო სისტემებისთვის და HIMARS-ის სარაკეტო სისტემებისთვის.
ამასთან, CNN-ის ცნობით, დახმარების ახალი პაკეტი, სავარაუდოდ, არ მოიცავს ტანკებს ან შორ მანძილზე მოქმედ რაკეტებს, რომელიც უკრაინამ არაერთხელ მოითხოვა.